നിരൂപണം (മിനിക്കഥ)

ചീറിപ്പാഞ്ഞ് പോകുകയായിരുന്ന മോട്ടോര്‍സൈക്കിള്‍കാരനോട് ഒരാള്‍ ലിഫ്‌റ്റ് ചോദിച്ചു. അയാള്‍ നിര്‍ത്തിയില്ല. കുറച്ചങ്ങോട്ട് നീങ്ങിയപ്പോള്‍ മറ്റൊരാള്‍ ലിഫ്‌റ്റ് ചോദിച്ചു. അപ്പോഴും അയാള്‍ നിര്‍ത്തിയില്ല.അല്‍പം കൂടി നീങ്ങിയപ്പോള്‍ പെട്ടെന്ന് ഈ രണ്ട് പേരുടെയും കണ്മുന്നില്‍ വെച്ച് അയാളെ ഒരു ടിപ്പര്‍ ലോറി ഇടിച്ച് വീഴ്ത്തി.

അത് കണ്ട്, ലിഫ്‌റ്റ് ചോദിച്ച ആദ്യത്തെയാള്‍ മനസ്സില്‍ പറഞ്ഞു:'അങ്ങനെ തന്നെ വേണം, ഒരു ലിഫ്‌റ്റ് ചോദിച്ചിട്ട് നിര്‍ത്താതെ പോയവനല്ലെ'

എന്നാല്‍ രണ്ടാമത്തെയാള്‍ ദൈവത്തിന്‌ നന്ദി പറഞ്ഞു :"'ഭാഗ്യം .അയാള്‍ ലിഫ്‌റ്റ് തന്നിരുന്നെങ്കില്‍ ഞാനും പെട്ട് പോയേനേ'